Concheiro

Esta palabra de uso moi extendido na comarca de Valdeorras substitúe a forma recomendada no dicionario da Real Academia Galega nogueira. Na meirande parte dos dicionarios concheiro aparece como  De conchas ou relativo a elas.

Eligio Rivas Quintas localízaa co significado que nos achega o usuario no veciño concello de Quiroga e atopámolo tamén nas comarcas veciñas do Bolo e no Bierzo, polo que de seguro que é unha palabra cun uso extendido no bloque oriental do galego. No Bierzo tamén aparece unha variante Conchal que estudaremos por se ten presenza na comarca de Valdeorras.

A forma nogueira malia que non ten apenas presenza na comarca si que aparece en antropónimos, nomes e apelidos de persoa, por toda a Comarca.