Avisedo

Terreo no que non acostuma dar o sol, sombrío.

Exemplo

- Todo o que plantes no avisedo morrerá por falla de sol.

-«(...) No soalleiro louro de laranxas,
roxo de balsaís e sangradeiros,
doce de mel, cinsento de oliveiras….
e a tanger os axóuxeres dos conchos
e broslado de felgas, no abisedo.(...)»
Florencio Delgado Gurriarán, poema Saúdo a Otero Pedrayo.

Categoría

Substantivos

Campo semántico

Terreo

Informantes

Florencio Delgado Gurriarán

Usuario/as que colaboraron

Fundación FDG

Argumentario

A forma aceptada pola Real Academia Galega é Avesedo coa variante avesío e todo apunta a que se trata da canónica, mentres que a forma avisedo é unha forma dialectal da comarca de Valdeorras.

No dicionario de Carré Alvarellos aparece como declive de un monte hacia la parte norte, definición que nos daría a pista do significado deste substantivo. Francisco Cobo Rodríguez recolle as variantes avesío e avisíu. Concepción Álvarez Pousa catalógaa como unha influencia externa ao valdeorrés.

Completa o termo
cunha achega

Proxecto participativo

Este dicionario é un proxecto cultural construido coa veciñanza e supervisado pola comisión de lingua da Fundación Florencio Delgado Gurriarán.

Coñeces algunha palabra da fala valdeorresa? Fai a túa achega rexistrándote ou entrando

Coñeces algunha palabra da fala valdeorresa? Fai a túa achega.