cochar

Definición

1: No xogo dos birlos, non chegar a bóla á liña de sinal.
2: No xogos das bólas facer un mal lanzamento.

Exemplo

«En Córgomo non cochamos/nin cos bolos, nin cás mozas».
Florencio Delgado Gurriarán, poema Córgomo de Valdeorras.

Categoría

Verbo

Campo semántico

Xogos populares

Localización

Córgomo, Portela de Vilamartín

Informantes

Florencio Delgado Gurriarán, Xosé Lois Franco Grande (1972), Elixio Rivas Quintas (1978), Concepción Álvarez Pousa e Francisco Cobo.

Audio: Varón adulto (1960, Portela, Vilamartín) Vive no Barco de Valdeorras.

Comentarios Fundación FDG

Este termo aparece nalgúns dicionarios antigos de galego co significado de: tapar, cubrir, quitar a maleza, retirar do lume, etc. A recollida co significado relativo ao xogo foi feita por Xosé Lois Franco Grande en Valdeorras e por Elixio Rivas Quintas en Viana do Bolo. Máis recentemente, Concepción Álvarez Pousa e Francisco Cobo acéptanna en sendos artigos como unha palabra propia da comarca de Valdeorras.
Nos versos de Florencio atopamos as dúas acepcións, como xogo fallido que non chega a bo termo e co significado extendido de fallar, non atinar nalgo.

Para comentar tes que entrar cos teus datos ou rexistrarte na plataforma. Grazas.

Os comentarios pasarán un proceso de moderación
Grazas por colaborar!