Avisedo

Definición

Terreo no que non acostuma dar o sol, sombrío.

Exemplo

«No soalleiro louro de laranxas,
roxo de balsaís e sangradeiros,
doce de mel, cinsento de oliveiras….
e a tanger os axóuxeres dos conchos
e broslado de felgas, no abisedo.»
Florencio Delgado Gurriarán, poema Saúdo a Otero Pedrayo.

Categoría

Substantivo

Campo semántico

Terreo

Localización

Córgomo

Informantes

Florencio Delgado Gurriarán, Leandro Carré Alvarellos (1951), Francisco Cobo, Concepción Álvarez Pousa.

Comentarios Fundación FDG

A forma aceptada pola Real Academia Galega é Avesedo, e todo apunta a que se trata da canónica, mentres que a forma avisedo é unha forma dialectal da comarca de Valdeorras.

No dicionario de Carré Alvarellos aparece como declive de un monte hacia la parte norte, definición que nos daría a pista do significado deste substantivo. Francisco Cobo Rodríguez recolle as variantes avesío e avisíu. Concepción Álvarez Pousa catalógaa como unha influencia externa ao valdeorrés.

Para comentar tes que entrar cos teus datos ou rexistrarte na plataforma. Grazas.

Os comentarios pasarán un proceso de moderación
Grazas por colaborar!