Amerodo

Definición

Albedro, froito do arbutus unedo ou érbedo. Froito de inverno redondo de cor vermella por fóra e amarelo por dentro.

Exemplo

Non comades amerodos, que vos emborrachades!

«[…] Compóñenche enfeites belos
pingas de choiva nas herbas,
amerodos nos camiños,
acios nas mestas cepeiras,
carrabouxos nos carballos…».
Florencio Delgado Gurriarán, poema Valdeorras.

Categoría

Substantivo

Campo semántico

Flora

Localización

Córgomo

Informantes

Florencio Delgado Gurriarán, Noelia Estévez Rionegro

Foto: Cristina de la Torre

Comentarios Fundación FDG

Este termo aparece nos dicionarios como froito da amorodeira, o que en castelán sería fresa. A peculiaridade aquí é que se usa para o froito dos érbedos, non para definir a planta que son arbustos salvaxes.
Algúns investigadores recoñecen este termo tal e como se coñece en Valdeorras, é o caso de Cuveiro Piñol que o localiza en Ourense ou Porto Rey. Dentro de Valdeorras atopamos variantes como amorodo ou merodo.

Para comentar tes que entrar cos teus datos ou rexistrarte na plataforma. Grazas.

Os comentarios pasarán un proceso de moderación
Grazas por colaborar!